Almatyda úsh avtobýs soqtyǵysty, dep habarlaidy QazAqparat.
Jol apatynyń videosy áleýmettik jelide tarady.
Almaty qalalyq politsiia departamentiniń málimetinshe, jol apaty búgin saǵat tańǵy saǵat 10:30 shamasynda Raiymbek dańǵylynda boldy.
«YUTONG BUS markaly avtobýs júrgizýshisi Raiymbek dańǵylymen shyǵys baǵytta kele jatyp qashyqtyqty saqtamaý saldarynan aldynda kele jatqan SAZ avtobýsymen soqtyǵysqan. Sosyn SAZ avtobýsy sol baǵytta kele jatqan úshinshi YUTONG markaly avtobýsqa soǵyldy. Jol apatynan eshkim zardap shekken joq», - dedi Almaty qalalyq IID tergeý basqarmasynyń bastyǵy Oljas Sháripov.
Politsiia ókiliniń sózinshe, atalǵan fakt boiynsha Áýezov aýdandyq politsiia bólimi tergeý júrgizip jatyr.
