Almatyda ishimdik iship alǵan mas adamdar politsiia qyzmetkerlerinyń zańdy talabyna qarsylyq kórsetti, dep habarlaidy "Ult aqparat".
Almaty qalalyq PD habarlaýynsha, 6 sáýir kúni keshke, №1 shaǵyn aýdandaǵy turǵyn úidiń aýlasynda qyzmette júrgen ýchaskelik inspektorlar ishimdik iship otyrǵan bir top er adamdy baiqaidy. Olar balalar oiyn alańyna jaiǵasqan. Jinalǵan top politsiia eskertýine agressiiamen jaýap berdi, olar karantin rejimi erejelerine qaishy eshnárse istemegenin aityp, ózderin aqtaýǵa tyrysqan.
«Óz erkimen taraǵysy kelmegen bes adamdy politsiia bólimine aparýǵa týra kelgen. Sondai– aq, olar politsiia qyzmetkerlerine qarsylyq kórsetip, tóbeles shyǵarǵan. Qazir buzaqylar qamaýǵa alynyp, jaýapqa tartylyp jatyr. Olar mindetti túrde zańǵa sáikes jazasyn alady», – deidi M.Áýezov aýdandyq politsiia basqarmasynyń bastyǵy Álisher Tursynbetov.
Onyń aitýynsha, ustalǵandardyń ústinen eki bap boiynsha is qozaǵalady. QR Qylmystyq kodeksiniń 379-baby «Memlekettik qyzmetkerge baǵynbaý» jáne 380-baby iaǵni «Bilik ókiline qatysty kúsh qoldaný».
