Foto: Polisia.kz
Almaty politseileri bes jezóksheler úiin anyqtady, - dep habarlaidy "Ult aqparat" Polisia.kz saityna silteme jasap.
Uiymdasqan qylmysqa qarsy kúres basqarmasy málimetinshe, jezókshelikpen ainalysatyn oryndar, sondai-aq adam saýdasyna qatysty basqa da zańbuzýshylyqtar respýblikalyq jedel aldyn alý is-sharasy barysynda anyqtalǵan. Jedel jáne arnaiy is-sharalar Almaty prokýratýrasynyń úilestirýimen júrgizilgen.
"Jynystyq eksplýatatsiianyń aldyn alý maqsatynda oiyn-saýyq mekemelerinde, monsha keshenderinde, saýnalarda, qonaqúilerde jedel aldyn alý is-sharalary uiymdastyryldy. QR QK-niń 309-baby boiynsha qylmystyq isterdi tirkeýge negiz bolǵan jeńgetailyq pen jezókshelikpen ainalysýdyń 5 deregi anyqtaldy.
Sonymen qatar, arnaiy is-shara barysynda jańa týǵan náresteni satý áreketiniń joly kesildi. Qylmystyq is QR QK-niń 135-baby 2-bóligi boiynsha tergelip jatyr. Sondai-aq, emdik massaj jasaityn orynnyń keipin jamylyp, intimdik qyzmet kórsetýmen ainalysqan eki massaj salonynyń zańsyz áreketi anyqtaldy", – dedi Almaty PD uiymdasqan qylmysqa qarsy kúres basqarmasynyń bastyǵy Janat Nurǵaliev.
video: Polisia.kz
