Almatyda kópqabatty úidiń kireberisinde belgisiz er adam mektep oqýshysyna shabýyl jasady, dep habarlaidy "Ult aqparat".
Bul týraly oqýshynyń anasy áleýmettik jelide jazdy.
Áieldiń aitýynsha, uly podezden shyǵyp bara jatqanda kútpegen jerden beitanys adam murnynan birneshe ret soqqan.
«Bul adam 21 sáýir kúni keshki saǵat 21:05 shamasynda «Tastaq» yqshamaýdanynda ornalasqan kópqabatty úidiń kireberisinde meniń ulyma negizsiz shabýyl jasady. Ulym ony tanymaidy, birinshi ret kórip tur. Meniń oiymsha, ol esirtkige táýeldi adam bolýy múmkin. Ony bizdiń úidiń turǵyndarynyń eshqaisysy tanymaidy. Ol týraly aqparat joq. Shabýyldyń videosy bar, biz politsiiaǵa júginip, aryz jazdyq», - dep jazdy almatylyq áiel.
Qalalyq Politsiia departamenti bul fakti sotqa deiingi tergep-tekserýdiń biryńǵai tizilimine tirkelgenin málim etti.
«Almaly aýdandyq politsiia basqarmasy sotqa deiingi tergeý jumystaryn júrgizip jatyr. Tergeý aiaqtalǵannan keiin tolyq aqparat beremiz», - dedi Almaty qalalyq Politsiia departamenti bastyǵynyń orynbasary Rýstam Ábdrahmanov.
