Tanymal prodiýser, aktrisa Baian Maqsatqyzy shoý-miýzikl keshin ótkizdi. Eki saǵatqa sozylǵan shyǵarmashylyq kesh prodiýserdiń óneri men jeke ómir jolynan syr shertti, dep habarlaidy "Ult aqparat" Stan.kz aqparat agenttigine silteme jasap.
Shoý-miýziklda prodiýserdiń ómiri kezeń-kezeńimen qoiylǵan. Shoý 1993 jyly túsirilgen "Mahabbat beketi" filminen bastalady.
Sodan keiin prodiýserdiń jýrnalistikaǵa qadam basqan dáýiri kórsetiledi. Qyz-kelinshekterge arnalǵan túrli baǵdarlamanyń júrgizýshisi bolǵan.
Keiin "KeshYou" tobynyń qurylý tarihy. Alǵashqy túsirilgen filmderi, "Qazaq arýy" baiqaýy, kúieýi Tursyn Alagózovpen tanystyǵy, "Baqyt" filmi kórsetilgen.
Qazaq estradasynyń jaryq juldyzyna ainalǵan Erke Esmahan, Janar Dýgalova da miýziklde tóbe kórsetti. “3 minýttyq ánimdi 2 jipke ilinip turyp aittym”, – dep jazdy Móldir Áýelbekova.
“Bosanǵannan keiin sahnaǵa shyǵyp turmyn. Qatty qobaljydym. Qoldaýlaryńyz kerek”, – dedi Erke Esmahan. Al Baljan Bidash “Sahnadan túsip, kórip otyrǵan joqpyz. Ne bolyp jatqanyn bilmeimiz. Ártister jaqqa úlken teledidar qoidy. Sodan tamashalap otyrmyz” – dedi ánshi.
