Foto: Polisia.kz
Almatyda balalaryna durys jaǵdai jasamaǵan áiel ata-ana quqyǵynan aiyrylady, – dep habarlaidy Polisia.kz.
Dabyl qaqqan Medeý aýdandyq PB iývenaldy politsiia bóliminiń inspektory birneshe kún boiy politsiiada esepte turǵan 41 jastaǵy H. esimdi azamatshanyń otbasyn tekserýge árekettengen.
"Bul otbasyn biylǵy jyldyń mamyr aiynda tirkedik. Balalardyń anasy Pavlodardan kelgen. Tekserý kezinde áiel bailanysqa shyǵýǵa qulyqsyz boldy. Kezekti tekserý barysynda, 8 tamyzda birdeńeniń durys emes ekenin sezdim: úide dybystar estildi, biraq esikti eshkim ashpady. Meniń dabylym boiynsha oqiǵa ornyna jergilikti ýchaskelik inspektor, TJD qyzmetkerleri men qamqorshylyq ókilderi tartyldy. Esik kúshpen ashyldy.
Saraptamamen rastalǵandai, áiel úide “ortasha dárejedegi” alkogoldik masań kúide bolǵan. 2016 jyly týǵan qyz balaǵa, 2018 jyly týǵan ul balaǵa jáne 2020 jyly týǵan taǵy bir ul balaǵa kútim jasalmaǵan. Úidiń ishi las boldy. Balalar birden ómirlik qiyn jaǵdaiǵa tap bolǵan balalarǵa qoldaý kórsetý ortalyǵyna jetkizildi, – deidi Medeý aýdandyq PB IýPB kámeletke tolmaǵandar isteri jónindegi ýchaskelik inspektory Aijan Býtabaeva.
Medeý aýdandyq politsiia basqarmasy basshylyǵynyń aitýynsha, is materialdary jinaqtalyp, áieldi odan ári ata-analyq quqyǵynan aiyrý úshin 2023 jyldyń 18 tamyzynda kámeletke tolmaǵandardyń quqyqtaryn qorǵaý komissiiasyna joldanbaq.
