Foto: Almaty ákimdigi
Almatyda 1964 jyly salynǵan oqýshylardyń eski úiiniń ornyna «Samǵaý» atty jańa damý jáne shyǵarmashylyq ortalyǵy ashyldy, dep habarlaidy Ult.kz.
Búgin qala basshysy Darhan Satybaldy nysan jumysymen tanysty. Ortalyq halyqaralyq standarttar boiynsha salynǵan, zamanǵa sai kabinettermen, zerthanalarmen jáne zaldarmen jabdyqtalǵan.
Endi 5 jastan 17 jas aralaǵyndaǵy 2 myńǵa jýyq bala robototehnika men baǵdarlamalaýdan bastap, vokal, horeografiia, keskindeme jáne teatr úiirmelerin, jalpy 28 baǵyt boiynsha tegin oqi alady.
Foto: Aqorda
Almaty ákimi Darhan Satybaldy mundai keńistikterdiń qosymsha bilim berýdi damytýǵa jáne barlyq bala úshin teń múmkindikter jasaýǵa mańyzdy qadam ekenin atap ótti. Jaqyn arada osyndai ortalyqtar Saialy, Ainabulaq jáne Jas Qanat shaǵynaýdandarynda paida bolady.
Mereke kúnimen qatar ótken ashylý saltanatyna orai uiymdastyrylǵan sheberlik saǵattary, kontsert, túrli oiyndar men úlestirilgen táttiler balalarǵa erekshe kóńil kúi syilady.
