Almaty ákimi Baqytjan Saǵyntaev megapoliste balalarǵa arnalǵan áleýmettik klýbtar ashylatyny týraly málim etti, dep habarlaidy "Ult aqparat".
«Aǵa býynnyń belsendi ókilderi — burynǵy oqytýshylar, mýzykanttar, ártister tárbie jumysyna atsalysýda. Olar az qamtylǵan jáne kópbalaly otbasylardyń balalaryna «Ainabulaq – 2» yqshamaýdanyndaǵy «Shyńǵa Órleý» áleýmettik klýbynda sabaq ótkizedi»,– dep jazdy Baqytjan Saǵyntaev Instagram-daǵy paraqshasynda.
Onyń aitýynsha, klýbta sanitarlyq-epidemiologiialyq qaýipsizdiktiń barlyq sharalary saqtalady. Qyzmettiń bul túrlerine ruqsat berilgennen keiin munda beineleý óneri, akterlik sheberlik, vokal, mýzyka men bi, dombyra, doiby jáne shahmat úiirmeleri ashylady. Sondai-aq, munda emdik dene shynyqtyrý jáne ózindik daiyndyq saǵattary bar. Kez-kelgen bala qyzyǵýshylyq tanyta alady. Eki aýysymda jumys isteitin klýb 50 kelýshige arnalǵan.
«Eń bastysy, balalar otbasylyq atmosferada qamqor ata-ájelerdiń baqylaýynda bolady. Biz osy áleýmettik jobany keńeitip, taǵy úsh klýb ashatyn bolamyz»,– dep atap ótti ákim.
