Almatyda balalar úii ashanasynan órt shyqty

Foto: Zakon.kz

Almaty qalasynyń ákimdigi 2025 jyldyń 9 qarashasynda Naýryzbai aýdanynda ornalasqan «Perzent» jeke qaiyrymdylyq balalar úiindegi órtke bailanysty aqparat taratty, dep habarlaidy Ult.kz.

Resmi málimetke sáikes, órt shyqqan sátte mekemede bolǵan barlyq 35 bala men qyzmetkerler der kezinde evakýatsiialanǵan. Eshkim zardap shekken joq. Balalar qaýipsiz aimaqtarǵa jetkizilip, olarǵa qajetti psihologiialyq, meditsinalyq jáne áleýmettik kómek kórsetilip jatyr.

Órttiń taralý qaýpi tolyq joiylǵan, oshaq oqshaýlanǵan. Oqiǵa ornynda Almaty qalasy TJD bólimsheleri jumysyn jalǵastyrýda.

Qala ákimi Darhan Satybaldy oqiǵa ornyna baryp, jaǵdaidy baqylaýǵa aldy. Sonymen qatar ýaqytsha ornalastyrý, tamaqtandyrý jáne materialdyq kómek sharalary uiymdastyrylǵany habarlandy.

Jaǵdai tolyq baqylaýda.