Almatyda BMW 525 kóligi ishinde balalar otyrǵan avtobýspen soqtyǵysty, dep habarlaidy Sputnik Qazaqstan.
Jol apaty Súiinbai dańǵylynda jaiaý júrginshiler jolynda bolǵan.
Balalardy demalysqa apara jatqan avtobýstyń júrgizýshi jaiaý júrginshiler jolynda toqtap, adamdardy ótkize bastaidy. Osy mezette avtobýstyń artyna joǵary jyldamdyqpen kele jatqan BMW 525 soǵylady.
Qatty soqqydan avtobýs joldyń shetine ushyp ketip, baǵanaǵa soǵyla jazdaǵan.
Avtobýstyń ishinde júrgizýshi men 10 bala otyrǵan. Olar zardap shekken joq. Al BMW 525 kóliginiń júrgizýshisi men jolaýshysyn jedel járdem túrli jaraqatpen aýrýhanaǵa jetkizdi.
