Almatyda balalar koronavirýsty jii juqtyra bastady. Bul týraly qalalyq sanitarlyq-epidemiologiialyq baqylaý departamenti basshysynyń orynbasary Ásel Qalyqova onlain brifing barysynda málim etti, dep habarlaidy QazAqparat.
Onyń aitýynsha, 1 jasqa deiingi balalar arasynda infektsiia anyqtalǵandar sany azaidy, alaida balalar arasynda olardyń úlesi – 22,8%.
«Ótken aptada 14 jasqa deiingi balalar arasynda juqtyrýdyń aitarlyqtai ósýi tirkeldi - 5,4%-ǵa (1 463-ten 1 920-ǵa deiin) jáne jasóspirimder – 1%-ǵa (388-den 589-ǵa deiin), sondai-aq 60 jastan asqan adamdar-3%-ǵa (2 530-dan 3 262-ge deiin). Bir jasqa deiingi balalar arasynda, kerisinshe, 450-den 438 jaǵdaiǵa deiin, sál tómendegeni baiqalady, biraq olardyń úlesi barlyq balalar arasynda aitarlyqtai – 22,8%», - dep atap ótti spiker.
Sonymen qatar, ol megapoliste «omikron» shtamynyń 7 jaǵdaiy anyqtalǵanyn tilge tiek etti.
«Almaty qalasynyń sanitarlyq-epidemiologiialyq baqylaý departamenti sekvenirleý jeltoqsannyń sońy – qańtardyń basynda júrgizilgenin habarlaǵan bolatyn. «Omikron» shtamynyń 7 jaǵdaiy anyqtaldy. Jeti naýqastyń arasynda 14 jasqa deiingi balalar joq. Tolyq genomdyq zertteý júrip jatyr, biraq atalǵan jeti jaǵdaidan basqasy teris nátije kórsetti. Zerthanalyq zertteýler júrgizilip jatyr», - dedi Ásel Qalyqova.
