Foto: Ashyq derekkóz
Almaty bilim basqarmasy №29 bóbekjai-balabaqsha ashanasynda taraqandardyń órip júrgeni týraly video taraǵannan keiin júrgizilgen tekseristiń nátijesin jariialady.
– Áýezov aýdanynyń sanitarlyq-epidemiologiialyq qyzmeti júrgizgen tekseristiń nátijesinde «№29 balabaqsha» kommýnaldyq memlekettik qazynalyq kásiporny mekemesiniń qyzmeti anyqtalǵan zańbuzýshylyqtar men kemshilikter joiylǵanǵa deiin toqtatyldy. Mektepke deiingi uiym ishinde dezinfektsiialaý jáne jaǵdaidy sanitarlyq talaptarǵa sáikestendirý boiynsha keshendi sharalar júrgizilip jatyr, - dep habarlady vedomstvo.
Tárbielenýshiler ýaqytsha qaladaǵy basqa balabaqshalarǵa ornalastyryldy. Mekeme jumysy barlyq talap oryndalyp, baqylaýshy organdardyń ruqsaty alynǵannan keiin qaita jandanady.
Eske salaiyq, buǵan deiin áleýmettik jelide Almaty bilim basqarmasyna qarasty №29 bóbekjai-balabaqshada taraqandar júrgeni týraly video taraǵan edi.
Qalalyq bilim basqarmasynyń málimetinshe, videony shamamen 2025 jylǵy qyrkúiek aiynda «Batyr KZ» kúzet uiymynyń qyzmetkeri túsirgen.
Vedomstvonyń habarlaýynsha, balabaqsha men «Óndiristik kooperativ» JShS arasynda jasalǵan kelisimshart aiasynda ǵimaratta dezinfektsiia jáne deratizatsiia jumystary toqsan saiyn júrgizilip otyrady. Sondai-aq balabaqsha mańynda ornalasqan qoqys jáshikteri jándikterdiń paida bolýyna jáne taralýyna sebep bolýy múmkin.
