Sýret: Polisia.kz
Almatyda Májilis depýtaty Baqytjan Bazarbektiń páteriniń aldynda turǵan búldirshinniń besik arbasyn órtep jibergen qaskói ustaldy, dep habarlaidy "Ult aqparat".
IIM baspasóz qyzmetiniń málimetinshe, jedel-izdestirý sharalarynyń nátijesinde politsiia qyzmetkerleri atalǵan qylmystyq quqyq buzýshylyqty jasady degen kúdikpen 1991 jyly týǵan B. esimdi azamatty ustaǵan.
"Atalǵan derek QR QK-niń 293-baby boiynsha tirkelip, tergeý amaldary júrgizilip jatyr.
Oqiǵanyń basqa da mán-jailary anyqtalýda" - delingen habarlamada.
Eske salaiyq, bul jaǵdai týraly zańger Facebook-paraqshasynda bólisken edi.
"Meniń otbasyma belgisiz bireýlerden qoqan-loqqyǵa uqsaityn áreketter bastaldy. Kishkentai balapanymnyń koliaskasyn páterimniń esigi aldynda jaǵyp jibergen. Osylai, Eski Qazaqstannyń ókilderi óziniń bar-joǵyn eskertip, bildirtip otyrǵandai sezinesiń! Ne bolsa da, tergeý qorytyndysyn kúteiik", - dep jazdy Bazarbek.
Aita keteiik, Qylmystyq kodekstiń 293-baby (Buzaqylyq) boiynsha 2 000 ailyq eseptik kórsetkishke (6 900 000 teńge) deiingi mólsherde aiyppul ne sol mólsherde túzeý júmystary nemese 600 saǵatqa deiingi merzimge qoǵamdyq jumystar, ia bolmasa, eki jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrý jazasy qarastyrylǵan. Al adamdar tobymen jasalǵan áreket úshin jaza budan da qatań bolady.
