Almatydaǵy "Baqorda" bazary mańynda órt shyqty, - dep habarlaidy Massaget.kz.
Jeli qoldanýshylary bazar aýmaǵyndaǵy órttiń videosyn jariialap jatyr.
Almaty TJD baspasóz qyzmeti órt alty minýt ishinde oqshaýlanǵanyn jáne bul jer bazar aýmaǵyna tiesili emes ekenin aitty.
"16 qyrkúiekte saǵat 14:45-te órtsóndirýshiler Alataý aýdanyndaǵy Rysqulov dańǵyly, 103 meken jaiyndaǵy órt týraly aqparatqa bailanysty shyqty. Saǵat 14:54-te órt jaqyn mańdaǵy avtobólshekterdi satatyn dúkenderge ótip, qoqys janyp ketti. Órt 6 minýttan keiin aýyzdyqtalyp, 15:09-da sóndirildi", - dedi TJD ókili.
Órtsóndirýshiler órttiń dúkenderge taralýyna jol bermegen. Órttiń shyǵý sebebi anyqtalyp jatyr.
