Almatyda Aqparat jáne qoǵamdyq damý ministri Asqar Omarovtyń qatysýymen BAQ jónindegi zań jobasy talqylanyp jatyr, dep habarlaidy Baq.kz agenttigi.
Buǵan deiin BAQ jónindegi zańdy talqylaýdyń alǵashqy otyrysy ótken bolatyn. Jumys tobynyń quramynyń 63 múshesi bar.
Ministrdiń aitýynsha, zań jobasy aiasynda negizinen jýrnalistiń mártebesi, quqyqtyq qorǵalýy, memlekettik tapsyrys jáne basqa taqyryptar boiynsha talqylaý júrip jatyr.
"Jumys tobynyń 63 múshesinen ózge sarapshylar da qatysyp jatyr. Sarapshy bolyp qatysýǵa eshqandai shekteý joq, bári qatysa alady. BAQ jónindegi zań aiqyn talqylaný kerek", - dedi Omarov.
Ministr sondai-aq áleýmettik jelini qoldanýshylar da aqparat taratýmen ainalysyp jatqanyn aita kele, olarǵa da erekshe mártebe berý jaǵyn qarastyratyndaryn jetkizdi.
"Qazir áleýmettik jelide kóptegen pablikter jýrnalister siiaqty aqparat taratyp júr. Jumys tobyndaǵylar olarǵa BAQ kommýnikatsiiasy degen mártebeni qaitarsaq dep otyr. Ekinshi jaǵynan jýrnalister mamandyǵy joq ondai alańdarmen ózderin shatastyrǵysy kelmeidi jáne bólek jýrnalistik mártebe berýlerin surap tur. Talqylaýdan keiin bir toqtamǵa kelýimiz qajet", - dedi ol.
Omarov jýrnalister nege baspana baǵdarlamasyna jáne basqa da jeńildikterge ie bola almai otyrǵanyn aitty.
"Qazir jýrnalisterdiń keibiri memlekttik BAQ-ta istese, taǵy biri jeke mengikte jumys istep júr. Qazir jýrnalist degen kim ekenin naqtylap alýymyz kerek. Jýrnalisterdi áleýmettik baǵdarlamaǵa engizsek, erteń jalǵan jýrnalister kóbeiip ketedi. Redaktsiiaǵa tirkelip, jalǵan kýálik alyp alatyndar shyǵady. Jýrnalistik diplomy bar adam jýrnalist pe, álde osy salada bes jyldan kem emes jumys istegen adam jýrnalist pe? Mine qazir osy jaǵyn naqtylap alýymyz kerek", - dedi ministr.
