Almatyda farmatsevtikalyq qyzmet erejeleri men dári-dármekterdiń ainalymy salasyn buzǵany úshin bir dárihana jabyldy, dep habarlaidy "Ult aqparat".
Almaty qalasynyń mamandandyrylǵan aýdanaralyq ákimshilik sotynda farmatsevtikalyq qyzmetpen ainalysatyn JShS-ǵa qatysty ákimshilik is qaraldy.
«Ákimshilik quqyq buzýshylyq kodeksiniń 426-babynyń 1-bóligi boiynsha ákimshilik jaýapkershilikke tartylǵan «A» JShS osy jyly dári-dármekti belgilengen shekti baǵasynan birneshe ret asyryp satqan. Seriktestik QR Densaýlyq saqtaý ministriniń 2019 jylǵy 15 shildedegi «Bólshek jáne kóterme saýdada ótkizýge arnalǵan preparattyń saýda ataýynyń shekti baǵalaryn bekitý týraly» № QR DSM-104 buiryǵyn buza otyryp, «Kardiomagnil» №100 preparatynyń 150 mg 2115 teńge baǵasymen satqan. Bul fakti 2020 jylǵy 28 shildedegi reidtik tekserý kezinde anyqtaldy», - delingen habarlamada.
«A» JShS «Ákimshilik quqyq buzýshylyq týraly» QR Kodeksiniń 426-babynyń 2-bóligi boiynsha ákimshilik jaýapkershilikke tartylyp, farmatsevtikalyq qyzmettik litsenziiasyn 1 ai merzimge toqtata turý túrindegi ákimshilik jazaǵa tartyldy.
Sot qaýlysy zańdy kúshine engen joq.
