الماتىدا باعانى ٶسٸرگەن دەرٸحانانىڭ ليتسەنزيياسى توقتاتىلدى

الماتىدا فارماتسەۆتيكالىق قىزمەت ەرەجەلەرٸ مەن دەرٸ-دەرمەكتەردٸڭ اينالىمى سالاسىن بۇزعانى ٷشٸن بٸر دەرٸحانا جابىلدى, دەپ حابارلايدى "ۇلت اقپارات".

الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتىندا فارماتسەۆتيكالىق قىزمەتپەن اينالىساتىن جشس-عا قاتىستى ەكٸمشٸلٸك ٸس قارالدى. 

«ەكٸمشٸلٸك قۇقىق بۇزۋشىلىق كودەكسٸنٸڭ 426-بابىنىڭ 1-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلعان «A» جشس وسى جىلى دەرٸ-دەرمەكتٸ بەلگٸلەنگەن شەكتٸ باعاسىنان بٸرنەشە رەت اسىرىپ ساتقان. سەرٸكتەستٸك قر دەنساۋلىق ساقتاۋ مينيسترٸنٸڭ 2019 جىلعى 15 شٸلدەدەگٸ «بٶلشەك جەنە كٶتەرمە ساۋدادا ٶتكٸزۋگە ارنالعان پرەپاراتتىڭ ساۋدا اتاۋىنىڭ شەكتٸ باعالارىن بەكٸتۋ تۋرالى» № قر دسم-104 بۇيرىعىن بۇزا وتىرىپ, «كارديوماگنيل» №100 پرەپاراتىنىڭ 150 مگ 2115 تەڭگە باعاسىمەن ساتقان. بۇل فاكتٸ 2020 جىلعى 28 شٸلدەدەگٸ رەيدتٸك تەكسەرۋ كەزٸندە انىقتالدى», - دەلٸنگەن حابارلامادا.

«A» جشس «ەكٸمشٸلٸك قۇقىق بۇزۋشىلىق تۋرالى» قر كودەكسٸنٸڭ 426-بابىنىڭ 2-بٶلٸگٸ بويىنشا ەكٸمشٸلٸك جاۋاپكەرشٸلٸككە تارتىلىپ, فارماتسەۆتيكالىق قىزمەتتٸك ليتسەنزيياسىن 1 اي مەرزٸمگە توقتاتا تۇرۋ تٷرٸندەگٸ ەكٸمشٸلٸك جازاعا تارتىلدى. 

سوت قاۋلىسى زاڭدى كٷشٸنە ەنگەن جوق.