Búgin Almatyda IýNESKO aiasynda mádenietterdi jaqyndastyrýdyń halyqaralyq ortalyǵynda «Azerbaijan Mambetov: pýt k slave», atty kitabynyń tusaýkeseri ótti, dep habarlaidy "Ult aqparat".
Kitaptyń avtory - jýrnalist jáne jazýshy Nazym Saparova. Shara onlain formatta ótti.
«Kitap jazý jumysy tórt jyl buryn bastalǵan. Jazýǵa, derekterdi tekserýge, suhbat alýǵa úsh jyl ýaqyt ketti. Bul men úshin erekshe kitap boldy. Bul - áńgime janryndaǵy baiandaý. Men onyń ómirin negizge aldym. Onyń qalai dúniege kelgenin, otbasy, ekinshi dúniejúzilik soǵystan qalai aman-esen oralǵany, balalar úiine qalai tap bolǵany, horeografiialyq ýchilishesindegi kezi jáne qalai rejisser bolýǵa sheshim qabyldaǵanyn jazdym», - deidi jazýshy.
Onyń aitýynsha, Ázirbaijan Mámbetovtiń ónerge degen qushtarlyǵy 12 jasynda oianǵan. Ol Sháken Aimanovtyń «Altyn múiiz» filminde oinady.
«Osy kartinadan keiin ol rejisser bolamyn dep sheshedi. Onyń armany oryndaldy. Ol - aldyna úlken maqsat qoiǵan adam. Jetim bala ómiriniń sońynda «Halyq qaharmany» atanady, bul - eń joǵarǵy marapat. Ol halyqynyń súiispenshiligine bólene bildi. Adamdardyń ol kisini qalai qurmetteitiniń óz kózimmen kórgenmin. Tiri bolsa, kóptegen shedevr jasaityn edi», - dep atap ótti avtor.
Sonymen qatar, Nazym Saparova bul kitapty jazý kezinde biraz qiyndyqtar bolǵanyn aitty.
«Ókinishke qarai, men onyń filmderin kóre almadym, óitkeni olar burynyraqta túsirilgen. Ol úshin arhivke kirý kerek boldy. Internetten tapqanym - bul basqa másele. Desek te, kei kartinalaryn kórip shyqtym. Atap aitar bolsam, «Qan men ter» jáne «Jaýshy» kinosy. Men oqyrmanǵa onyń shynaiy ómirdegi jolyn kórsetkim keldi», - deidi avtor.
Sonymen qatar, is-sharaǵa avtordyń áriptesteri men synyptastary qatysty. Olar da óz oiyn ortaǵa saldy.
«Men kitapty qýana-qýana oqyp shyqtym. Kitap óte obektivti, áserli bolyp shyǵypty. Bálkim avtordyń óziniń osy adamǵa degen áserli kózqarasy bolǵandyqtan shyǵar. Nazym únemi ol kisini «bizdiń ákemiz» dep sóileidi. Men úshin bul - úlgi-ónege. Shyn máninde Qazaqstanda aqsaqaldarǵa degen qurmet erekshe», - deidi avtordyń kýrstasy jáne QazUÝ oqytýshysy Larisa Noda.
Nazym Saparova kitapty Almatydaǵy kitap dúkenderinen jáne Facebook arqyly habarlasyp tapsyrys berip satyp alýǵa bolatynyn aitty.
Sondai-aq kitap biyl qazaq tilinde shyǵady.
Qazaq sahna ónerin álemdik deńgeige kóterip, keńestik dáýirde-aq óziniń darynymen qazaq teatrynyń mártebesin aspandatqan, sahnalyq sheshimderiniń tereńdigimen jańashyl rejisser atanǵan óner tarlandarynyń biri Ázirbaijan Mámbetov 2009 jyly 78 jasyna qaraǵan shaǵynda dúnieden ozdy.
Á.Mámbetov «Otan», «Eńbek Qyzyl Tý», «Halyqtar dostyǵy» orden- medaldarymen marapattalǵan.
KSRO jáne Qazaqstannyń memlekettik syilyǵynyń laýreaty, KSRO jáne Qazaqstannyń halyq ártisi atanǵan. Nur-Sultan qalasynyń qurmetti azamaty.
