Foto: Almaty qalasy ákimdigi
Almatyda sońǵy táýlikte shamamen 20 millimetr jaýyn-shashyn tústi, bul qarasha aiyna arnalǵan ailyq normanyń jartysyna teń. Osyǵan bailanysty qalanyń kommýnaldyq qyzmeti kólik qozǵalysynyń qalypty júrýin jáne turǵyndardyń qaýipsizdigin qamtamasyz etý úshin jumysyn kúsheitilgen rejimde jalǵastyryp jatyr. Bul týraly Ult.kz Qalalyq kommýnaldyq infraqurylym jáne turǵyn úi inspektsiiasy basqarmasynyń ókilderine siltemejasap habarlady.
Kóshelerdi qardan tazartý jumystary 4 qarasha kúni saǵat 20:00-de bastalǵan. Osy ýaqyt ishinde magistraldar eki ret sypyrylyp, jolǵa kóktaiǵaqqa qarsy arnaiy qospalar sebildi. Ásirese, kópirler men jolaiyryqta, órler men júrginshi ótkelderi jiti nazarda ustalyp otyr.
Aýa temperatýrasynyń kúrt tómendeýi saldarynan taýly aimaqtarda kei jerlerde kóktaiǵaq paida bolǵan. Mundai taiǵaq ýchaskeler «Almaty Tazalyq» memlekettik kommýnaldyq kásiporny men merdiger uiymdar jedel túrde arnaiy qospa seýip jatyr.
Bul jumysqa 900-den astam arnaiy tehnika jáne 2500-den astam jumysshy, onyń ishinde kezekshi jáne patrýldik brigadalar tartylǵan. Qum sebetin mashinalar, sypyrǵysh tehnikalar, tiegishter jáne qosalqy quraldar qoldanylǵan.
Joldy, trotýardy jáne aialdama mańyn tazartý jumystary táýlik boiy jalǵasyp jatyr. Kommýnaldyq qyzmet jol jaiyn turaqty túrde baqylap, qajet bolǵan jaǵdaida qosymsha qospa sebedi.
