Foto: Kazpravda.kz
Almaty politsiiasy basy kesilgen áieldi óltirgen kúdiktini izdestirip jatyr, dep habarlaidy "Ult aqparat" Polisia.kz Telegram-arnasyna silteme jasap.
IIM baspasóz qyzmetiniń málimetinshe, 12 sáýir saǵat 08:40-ta 102 pýltine Sholohov kóshesindegi qaraýsyz qalǵan ǵimarattyń janynan áieldiń máiiti tabylǵany týraly habarlama túsken.
"Aqparat rastaldy. Jedel tergeý toby oqiǵa ornyn tekserdi. Áieldiń basy kesilgen bolyp shyqty. Onyń jeke basy anyqtaldy. Azamatsha 1976 jyly týǵan, turaqty turǵylyqty jeri joq, buryn esirtki qylmysy úshin birneshe ret sottalǵan.
Áieldiń basy jaqyn jerdegi saýda oryndarynyń birinen tabyldy.
Atalǵan derekke qatysty Túrksib aýdandyq politsiia basqarmasy QR QK-niń 99-baby boiynsha qylmystyq isti tirkedi. Qylmysty ashýǵa jáne onyń mán-jaiyn anyqtaýǵa baǵyttalǵan jedel is-sharalar kesheni júrgizilip jatyr" - delingen habarlamada.
QR QPK-niń 201-babyna sáikes qylmystyq istiń ózge málimetteri jariia etýge jatpaidy.
