Almatydaǵy «Alma siti» turǵyn úi kesheninde aiaǵy aýyr kelinshek sýitsid jasady. Ol úidiń 8-qabatynan sekirip ketken, dep habarlaidy QazAqparat.
Qalalyq politsiia departamenti qaiǵyly oqiǵany rastady.
«Almaty qalalyq politsiia departamenti atalǵan derekti Naýryzbai aýdandyq politsiia basqarmasy QR QK-niń 105-baby boiynsha sotqa deiingi tergeýdiń biryńǵai tizilimine tirkegenin habarlaidy. Sot-meditsinalyq saraptama taǵaiyndaldy. Oqiǵanyń sebebi men basqa da mán-jailary anyqtalýda», - dep atap ótti PD baspasóz qyzmeti.
Eske sala keteiik, byltyr qarasha aiynda «Jetisý» shaǵyn aýdanynda kópqabatty úilerdiń biriniń terezesinen 28 jastaǵy áiel men onyń 2015, 2016 jáne 2019 jyly týǵan úsh kishkentai balasy 9-qabattyń terezesinen sekirip ketken edi.
Áiel men eki balasy oqiǵa ornynda kóz jumdy. Taǵy bir bala jedel járdem kóliginde qaitys boldy.
