Almaty turǵyndaryn sýpermarket aldynda avtoturaqta turǵan kólik salonyndaǵy avtomat shoshytty, - dep habarlaidy Tengrinews.kz tilshisi.
Oqiǵa Bostandyq aýdanynda 13 aqpan kúni tús aýa 15:30 shamasynda bolǵan. Gagarin dańǵyly men Esqaraev kóshesiniń qiylysynda ornalasqan sýpermarketke kelýshilerdiń biri qyzyl sporttyq Mitsubishi kóliginiń ishindegi avtomatty baiqaǵan. Er adam barlyǵyn kameraǵa túsirip alyp, keiin videony áleýmettik jelige salyp, politsiiaǵa habarlasqan.
Politsiia bul derekti dereý tekserýge kiristi. Oqiǵa ornyna patrýldik politsiia ekipajy jiberildi. Mán-jaidy anyqtaǵan kezde, avtomat oiynshyq bolyp shyqty.
"Kólik júrgizýshisi anyqtaldy, ol politsiiaǵa avtomatqa uqsaityn zatty tekserýge ruqsat berdi. Ol oiynshyq bolyp shyqty. Kólik iesi tiisti túsindirme hat jazdy. Oiynshyq avtomat balasyna tiesili ekeni anyqtaldy.
Almaty politsiiasy belsendi azamattyq ustanymy bar azamattarǵa qyraǵylyǵy men jedel áreketi úshin, sondai-aq qaladaǵy tártipti saqtaýǵa kómekteskeni úshin alǵys bildiredi", - deidi Bostandyq aýdandyq politsiia bóliminiń basshysy Dýman Aýhadiev.
