«Azamattarǵa arnalǵan úkimet» memlekettik korporatsiiasy» KE AQ Almaty qalasy filialy qalada AvtoHQO-lardyń áli iske qosylmaýynyń sebebin jariialady, dep habarlaidy QazAqparat.
12 qańtardan bastap elimizde, úsh óńirdi qospaǵanda, avtokólik ielerine memlekettik qyzmetter kórsetetin mamandandyrylǵan HQO-lar jumys istei bastady.
Jumys kestesi – saǵat 9.00-den 18.00-ge deiin (dúisenbi-juma aralyǵynda).
«Ázirge Almaty qalasynyń avtoHQO-lary jumys istemei tur. Sebebi, búlikshilik áreketterdiń osy óńirde kóbirek bolǵany málim. Sondyqtan, Almatydaǵy QR IIM Ákimshilik politsiia komitetiniń qyzmetkerleri basqa mindetterdi oryndaýǵa jumyldyrylyp otyr. Sol sebepti avtokólik ielerine mamandandyrylǵan HQO-larda qyzmet kórsete almaimyz. Bul jaǵdaiǵa túsinistikpen qaraýdy suraimyz», - dedi «Azamattarǵa arnalǵan úkimet» memlekettik korporatsiiasy Almaty qalasy filialynyń direktory Ermek Bekjúnisov.
Sondai-aq, ol avtokólikti Kaspi jáne Halyk Homebank bank qosymshalary arqyly qaita resimdeýge bolatynyn atap ótti. «Ázirshe osy servisterdi paidalanýǵa keńes beremin», - dedi ol.
