Almaty qalasynda jolaýshylar avtobýsynyń antifriz qubyry jarylyp, ishtegi jolaýshylarǵa shashyraǵan, dep habarlaidy "Ult aqparat".
Almaty qalalyq qoǵamdyq densaýlyq basqarmasy áleýmettik jelide taraǵan videonyń shynymen de atalmysh qalada bolǵanyn rastady.
«Bir naýqas № 4 qalalyq klinikalyq aýrýhanaǵa jatqyzyldy. Zardap shegýshiniń denesiniń 3 paiyzyn kúiik shalǵan. Oǵan dárigerler tarapynan alǵashqy kómek kórsetilip, usynystar berildi. Ári qarai onyń jaǵdaiyn turǵylyqty jeri boiynsha tiisti emhana baqylaidy. Ekinshi naýqas aýrýhanaǵa jatýdan bas tartty», - dep málim etti basqarmadaǵylar.
Aqaý shyqqan avtobýs «Almatyelektrotrans» tasymaldaýshy kompaniiasyne tiesili bolyp shyqty.
«Keshe, tańǵy saǵat 10.00-de №201 marshrýttaǵy avtobýstyń qozǵaltqyshy qyzyp, bailanysty salqyndatqysh júie buzyldy. Qazir atalǵan fakti boiynsha qyzmettik tergeý júrip jatyr. Avtobýs servistik qyzmetke kóshirildi», - dep jazylǵan kompaniianyń túsindimesinde.
