Almatyda №137 avtobýs órtendi. Oqys oqiǵa týraly qalalyq TJD-nyń baspasóz qyzmeti habarlady.
Órt sóndirý qyzmetiniń kezekshi bólimine tańerteń saǵat 9.21-de Shuǵyla shaǵyn aýdanynda Nurly jáne Sábdenov kósheleriniń qiylysynda avtobýs órtenip jatqany týraly habar kelip túsken.
Belgili bolǵandai, №137 baǵdardaǵy avtobýstyń artqy dóńgelegi jana bastaǵan.
Órt 9:39-da aýyzdyqtalyp, 09:59-da sóndirildi. Tilsiz jaý 20 metr aýmaqty sharpydy. Órtten eshkim zardap shekken joq.
«Almatyelektrotrans» kompaniiasy órtengen atvobýsqa qatysty túsinikteme berip úlgerdi.
Tasymaldaýshy kompaniianyń habarlaýynsha, avtobýs parkten shyqqanda aqaýsyz bolǵan.
«Búgin tańerteń №137 marshrýt avtobýsy parkten shyqqanda, eshqandai tehnikalyq aqaý baiqalmady. Jolda jolaýshylardy salonǵa kirgizbei turǵanda kóliktiń artqy dóńgelegi tutana bastaǵan. Júrgizýshi instrýktsiiaǵa sáikes 101 nómirine habarlasyp, órt sóndirýshilerdi shaqyrǵan. Sosyn órt sóndirýshiler kelgenshe jolaýshylardy alysqa baǵyttap, órt sóndirý ballonynyń arqasynda órtti ózi sóndirgen. Kólik órtengende salonda jolaýshylar bolmaǵan», - dedi tasymaldaýshy kompaniianyń baspasóz qyzmetinen.
Ázirge órttiń shyǵý sebepteri belgisiz. Qazir sony anyqtaýǵa arnaiy tekserý taǵaiyndaldy.
