Almatyda ál-Farabi dańǵylynda №32 baǵyttaǵy avtobýs órtendi, dep habarlaidy "Ult aqparat".
Tótenshe jaǵdai búgin, 24 qazanda tańǵy saǵat 07:00 shamasynda bolǵan.
Tótenshe jaǵdai departamentiniń habarlaýynsha, qoǵamdyq kólikte jolaýshylar bolmaǵan. Órt 25 sharshy metrdi sharpyǵan.
«TJD «101» pýltine 24 qazanda tańǵy saǵat 06:45-te Bostandyq aýdany ál-Farabi dańǵyly men Hodjanov kóshesiniń qiylysynda qoǵamdyq kóliktiń órtengeni týraly habarlama tústi. Oqiǵa ornyna jetken órt sóndirý brigadasy № 32 baǵyttaǵy jolaýshylar avtobýsynyń janyp jatqanyn kórgen. Júrgizýshi óz betinshe órtti sóndirýge tyrysqan. Avtobýstyń ishinde jolaýshylar bolǵan joq. Qyzyl jalyn 25 sharshy metr aýmaqty sharpyǵan. Órtti 11 qyzmetker sóndirdi, bir dana tehnika jumyldyryldy. Órt saǵat 06:57-de aýyzdyqtalyp, saǵat 07:04-te tolyqtai sóndirildi. Qaza tapqandar men zardap shekkender joq», - dep habarlady TJD baspasóz qyzmeti.
