الماتىدا اۆتوبۋس ٶرتەندٸ

الماتىدا ەل-فارابي داڭعىلىندا №32 باعىتتاعى اۆتوبۋس ٶرتەندٸ, دەپ حابارلايدى "ۇلت اقپارات".

تٶتەنشە جاعداي بٷگٸن, 24 قازاندا تاڭعى ساعات 07:00 شاماسىندا بولعان.

تٶتەنشە جاعداي دەپارتامەنتٸنٸڭ حابارلاۋىنشا, قوعامدىق كٶلٸكتە جولاۋشىلار بولماعان. ٶرت 25 شارشى مەتردٸ شارپىعان.

«تجد «101» پۋلتٸنە 24 قازاندا تاڭعى ساعات 06:45-تە بوستاندىق اۋدانى ەل-فارابي داڭعىلى مەن حودجانوۆ كٶشەسٸنٸڭ قيىلىسىندا قوعامدىق كٶلٸكتٸڭ ٶرتەنگەنٸ تۋرالى حابارلاما تٷستٸ. وقيعا ورنىنا جەتكەن ٶرت سٶندٸرۋ بريگاداسى № 32 باعىتتاعى جولاۋشىلار اۆتوبۋسىنىڭ جانىپ جاتقانىن كٶرگەن. جٷرگٸزۋشٸ ٶز بەتٸنشە ٶرتتٸ سٶندٸرۋگە تىرىسقان. اۆتوبۋستىڭ ٸشٸندە جولاۋشىلار بولعان جوق. قىزىل جالىن 25 شارشى مەتر اۋماقتى شارپىعان. ٶرتتٸ 11 قىزمەتكەر سٶندٸردٸ, بٸر دانا تەحنيكا جۇمىلدىرىلدى. ٶرت ساعات 06:57-دە اۋىزدىقتالىپ, ساعات 07:04-تە تولىقتاي سٶندٸرٸلدٸ. قازا تاپقاندار مەن زارداپ شەككەندەر جوق», - دەپ حابارلادى تجد باسپاسٶز قىزمەتٸ.