Almatyda avtobýs júrgizýshisi baǵanaǵa soǵylyp, saldarynan bir jolaýshy zardap shekti, dep habarlaidy QazAqparat.
Jol apatynyń videosy áleýmettik jelide tarap ketti.
Qalalyq politsiia departamentiniń málimetinshe, oqiǵa 23 qazan kúni keshki saǵat 21:40 shamasynda bolǵan.
«Jaz le» markaly avtobýstyń júrgizýshisi Raiymbek dańǵylymen shyǵys baǵytta kele jatyp, Turǵyt Ozal kóshesiniń qiylysynda, rýldi basqara almai, kóshe shamynyń baǵanasyna soǵyldy.
«Jol-kólik oqiǵasy saldarynan avtobýstyń bir jolaýshysy meditsinalyq mekemege jetkizildi. Material Almaly aýdandyq politsiia basqarmasynyń óndirisinde», - dedi Almaty qalasy politsiia departamenti tergeý basqarmasynyń bastyǵy Oljas Sháripov.
