Almatyda mamandar 15 naýryzdaǵy jaǵdai boiynsha qaladaǵy koronavirýspen bailanysty sanitarlyq-epidemiologiialyq jaǵdai týraly aityp berdi, dep habarlaidy "Ult aqparat".
Koronavirýstyń aldyn alý men qarsy turý jónindegi óńirlik shtab ókilderi Almatyda zerthanalyq deńgeide rastalǵan koronavirýs infektsiiasyn juqtyrýdyń 7 jaǵdaiy tirkelgendigin jetkizdi.
Qazirgi tańda qalalyq qyzmet ókilderi arnaiy bekitilgen «B» josparyna sáikes, santiralyq-epidemiologiialyq is-sharalardy júzege asyrýda.
Bul rette virýs juqtyrǵandar men olarmen bailanysta bolǵandar týraly tolyqqandy málimetter alý, olardy ýaqytynda oqshaýlaý qalada koronavirýstyq infektsiianyń taralýynyń adyn alý baǵytyndaǵy basty is-sharalardyń biri bolyp tabylady.
Osy sharalardy júzege asyrý barysynda azamattar tarapynan aýrýhanaǵa jatýdan bas tartý, ózimen bailanysta bolǵan adamdar týraly málimetterdi jasyrý jaǵdailary jiilep ketkendigi baiqaldy.
Osy rette olar QR «Halyqtyń densaýlyǵy men densaýlyq saqtaý júiesi týraly» zańynyń 90 babyna sáikes, azamattar: ózderiniń jáne ainalasyndaǵylardyń densaýlyǵyn saqtaý sharalaryn jaýapkershilikpen qarap, meditsinalyq mekemelerdiń talap etýi boiynsha tekserýden ótip, emdelip, dárigerlerge óziniń infektsiialaq aýrýlar men ainalasyndaǵylarǵa qaýip tóndiretin ózge de aýrýlarmen naýqas ekeninen habardar etýi kerektigin eskertti.
Al ainalasyndaǵylarǵa qaýip tóndiretin aýrýmen aýyratyndar meditsinalyq tekserý men emdeýden bas tartqan jaǵdaida olar Qazaqstan zańdaryna sáikes májúbrli túrde tekserilip, emdeledi.
Al eger ainalasyna qaýip tóndiretin aýrýmen aýyratyn azamattar jáne onymen bailanysta bolǵan sondai-aq sonyń saldarynan profilaktikalyq emdeýdi qajet etetin adamdar, sonymen qatar ainalasyna qaýip tóndiretin aýrýmen aýyratynyn jasyrǵandar, virýs oshaǵy men naýqaspen bailanysta bolǵandardy jasyrý áreketteri zańmen qýdalanady.
Mysaly adamdardyń ómiri men densaýlyqtaryna qaýip týdyratyn aqparattardy jasyrý QR QK-niń 305 baby boiynsha qylmystyq jaýapkershilikti qarastyrady.
Osyǵan qarai Almaty ákimdigi azamattarǵa óz áreketterine jaýapkershilikpen qarap, sanitarlyq-gigienalyq tártipti saqtap, aýrýdyń simptomdary anyqtalǵan jaǵdaida ózin-ózi oqshaýlaý qajettigin eskertti.
