Áýe apatynda jaraqat alǵan UQK qyzmetkerleriniń jaǵdaiy turaqty. Olar jansaqtaý bóliminen palataǵa aýystyryldy, dep habarlaidy "Ult aqparat".
Bul týraly №4 qalalyq klinikalyq aýrýhananyń bas dárigeri Saǵi Beisenbekov málim etti.
«Eki naýqastyń da jaǵdaiy turaqty. Olar reanimatsiiadan mamandandyrylǵan bólimge aýystyryldy. Palatada em alady», - dedi №4 qalalyq klinikalyq aýrýhananyń bas dárigeri Saǵi Beisenbekov.
Eske sala keteiik, 13 naýryz kúni Nur-Sultan-Almaty baǵytynda kele jatqan AN-26 áskeri ushaǵy 17.22 kezinde radardan joǵalyp, qala áýejaiy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqatpen Almaty qalasynyń №4 qalalyq klinikalyq aýrýhanasyna jetkizildi.
Qazaqstan Respýblikasy Ulttyq qaýipsizdik komiteti Almatyda apatqa ushyraǵan ushaqtyń qara jáshigindegi derekter tekserilip jatqanyn málim etti.
