Almatyda Audi markaly kólik bes jaiaý júrginshini qaǵyp, keiin turaqta turǵan avtokólikke soǵyldy, dep habarlaidy ult.kz.
Politsiia departamentiniń málimetinshe, jol-kólik oqiǵasy 9 maýsym kúni tańǵy saǵat 08:20 shamasynda bolǵan. Aldyn ala derek boiynsha, Zenkov kóshesimen ońtústik baǵytta kele jatqan Audi júrgizýshisi joldyń júris bóliginde turǵan bes adamdy qaǵyp ketken.
Zardap shekkenderdiń barlyǵyna alǵashqy meditsinalyq kómek kórsetilgen. Politsiia olardyń joldan ótip bara jatpaǵanyn naqtylady.
Oqiǵadan keiin júrgizýshi qozǵalysyn jalǵastyryp, turaqta turǵan Toyota kóligine soǵylǵan. Soqqynyń áserinen Toyota janynda turǵan Subaru avtokóligin de janap ótken.
Politsiianyń málimetinshe, soqtyǵys kezinde eki kóliktiń de júrgizýshileri salonda bolmaǵan.
Qazir tártip saqshylary jol apatynyń mán-jaiyn anyqtap jatyr.
