Almatyda bir aptada aýa lastaný kórsetkishi 46 ret qalypty deńgeiden asqan, dep habarlaidy "Ult aqparat".
«Kazgidromet» RMK eldegi atmosferalyq aýanyń tazalyǵy kórsetkishin jariialady.
2020 jyly 23-29 maýsym aralyǵynda Qyzylorda, Petropavl, Pavlodar qalalarynda bir ret te aýanyń lastaný shekti kórsetkishi tirkelmegen.
Atyraýda shekti kórsetkishten aýanyń lastanýy 111 ret asqan.
Aqtóbe qalasynda 40 jaǵdai tirkelgen. Ásirese Shanhai 4 aýdanynda Rysqulov kóshesi aýdanynda aýanyń lastyǵy baiqalǵan.
Nur-Sultan qalasynda aýanyń lastanýynyń shekti kórsetishi 165 ret qalyptan asqan.
Aýa Aqjol kóshesi (JEO), Kóktal-1, Shapaǵat kommýnaldy bazary mańynda las bolǵan.
Almatyda aýanyń lastaný kórsetkishi 46 ret qalyptan asqan. Eń joǵary kórsetkish Bostandyq aýdanyndaǵy ál-Farabi atyndaǵy QazUÝ ýniversiteti mańynda tirkelgen.
Balqash qalasynda aýa lastanýynyń 61 jaǵdaiy tirkeldi.
Aýa Lenin kóshesiniń mańynda óte las bolǵan. Qazaqstannyń basqa qalalarynda aýany lastaityn jekelegen zattardyń qalypty normadan asýy baiqalmaǵan.
