الماتىدا بٸر اپتادا اۋا لاستانۋ كٶرسەتكٸشٸ 46 رەت قالىپتى دەڭگەيدەن اسقان, دەپ حابارلايدى "ۇلت اقپارات".
«كازگيدرومەت» رمك ەلدەگٸ اتموسفەرالىق اۋانىڭ تازالىعى كٶرسەتكٸشٸن جارييالادى.
2020 جىلى 23-29 ماۋسىم ارالىعىندا قىزىلوردا, پەتروپاۆل, پاۆلودار قالالارىندا بٸر رەت تە اۋانىڭ لاستانۋ شەكتٸ كٶرسەتكٸشٸ تٸركەلمەگەن.
اتىراۋدا شەكتٸ كٶرسەتكٸشتەن اۋانىڭ لاستانۋى 111 رەت اسقان.
اقتٶبە قالاسىندا 40 جاعداي تٸركەلگەن. ەسٸرەسە شانحاي 4 اۋدانىندا رىسقۇلوۆ كٶشەسٸ اۋدانىندا اۋانىڭ لاستىعى بايقالعان.
نۇر-سۇلتان قالاسىندا اۋانىڭ لاستانۋىنىڭ شەكتٸ كٶرسەتٸشٸ 165 رەت قالىپتان اسقان.
اۋا اقجول كٶشەسٸ (جەو), كٶكتال-1, شاپاعات كوممۋنالدى بازارى ماڭىندا لاس بولعان.
الماتىدا اۋانىڭ لاستانۋ كٶرسەتكٸشٸ 46 رەت قالىپتان اسقان. ەڭ جوعارى كٶرسەتكٸش بوستاندىق اۋدانىنداعى ەل-فارابي اتىنداعى قازۇۋ ۋنيۆەرسيتەتٸ ماڭىندا تٸركەلگەن.
بالقاش قالاسىندا اۋا لاستانۋىنىڭ 61 جاعدايى تٸركەلدٸ.
اۋا لەنين كٶشەسٸنٸڭ ماڭىندا ٶتە لاس بولعان. قازاقستاننىڭ باسقا قالالارىندا اۋانى لاستايتىن جەكەلەگەن زاتتاردىڭ قالىپتى نورمادان اسۋى بايقالماعان.
