Almatyda aýanyń lastanýy karantinge deiingi deńgeige qaita oraldy, dep habarlaidy "Ult aqparat".
Qazaqstanda tótenshe jaǵdai jariialanýyna jáne karantin rejiminiń engizilýine bailanysty, Almaty qalasynda kólik sany alǵash ret aitarlyqtai azaidy. Osylaisha, megopolistegi aýanyń lastanýynyń negizgi kózin anyqtaityn erekshe múmkindik paida boldy.
«Aldyn ala málimetter boiynsha, ótken jyldyń sáikes kezeńimen salystyrǵanda aýa áldeqaida taza boldy. Almatynyń gazdaný deńgeiine úsh faktor áser etedi: Ónerkásip oryndary, kólik jáne jeke sektor. Karantin qorshaǵan ortany tazartýǵa yqpal etti. Ádette ekologiianyń lastanýyna yqpal etetin faktor antropogendik sipatta bolady. Karantin kezeńinde Almaty aýasynyń lastanýy 5-ten 2 shoǵyrlanýdyń shekti deńgeiine (ShDSh) deiin tómendedi. Karantin alynǵannan keiin taǵy da 5-ke deiin ósý baiqaldy»,- dep habarlady Almaty qalasynyń ekologiia departamenti.
Sonymen qatar, «Qazgidromet» RMK Almaty qalasy boiynsha filialy qalanyń atmosferalyq aýasynyń jai-kúiine 26 bekette turaqty monitoring júrgizedi. «Qazgidromet» RMK-sy jariialaǵan málimetterge sáikes, 11-17 tamyz aralyǵynda Almatyda ruqsat etilgen shekti normadan aýytqyýdyń 82 jaǵdaiy tirkeldi. Aýa Amangeldi kóshesi men Sátbaev kóshesiniń qiylysy bóliginde kóbirek lastanǵan.
18-24 tamyz aralyǵynda shekti normadan aýytqýdyń 83 oqiǵasy tirkeldi. Jetisý aýdanynda, aýdan ákimdiginiń aýmaǵynda ornalasqan «Qulager» shaǵynaýdanynda aýa kóbirek lastanǵan.
Al 1-7 qyrkúiek aralyǵynda shekti normadan asyp ketýdiń 218 jaǵdaiy tirkeldi. Aýa qalanyń Alataý aýdanyndaǵy Almaty Arena jáne Alǵabas–1» shaǵynaýdanynda lastanǵan.
