kórneki sýret: arnapress.kz
30 qańtarda Almatyda aýanyń lastaný deńgeii joǵary bolady dep kútiledi. Qalada aýadaǵy azot dioksidiniń mólsheri shekti ruqsat etilgen kontsentratsiiadan 2,6 ese asady, - dep habarlaidy "Ult aqparat" "Qazgidromet" RMK málimetine silteme jasap.
Shaharda kóshpeli bult shyǵyp, aýa raiy jaýyn-shashynsyz bolady. Jel ekpini 5 m/s deiin kúsheiedi. Aýa temperatýrasy túnde 7-9 gradýs aiazǵa deiin tómendeidi, kúndiz 0-2 gradýsqa deiin kóteriledi. 30 qańtarda, 31 qańtarǵa qaraǵan túni meteorologiialyq jaǵdailar qala atmosferasynda lastaýshy zattardyń jinalýyna yqpal etedi. Jalpy, qalada aýanyń lastaný deńgeii joǵarylaidy dep kútilip otyr. Aýadaǵy artyq azot dioksidi - 2,6 ese, PM2,5 bólshekteri - 3,3 ese bolady.
PM2,5 - bul quramyna qatty mikrobólshekter de, usaq suiyq tamshylar da kiretin aýany lastaýshy zat. Iri bólshekterden aiyrmashylyǵy, olar biologiialyq kedergilerdi jeńe otyryp, denege enedi, sondyqtan adam densaýlyǵyna qaýip tóndiredi.
Sonymen qatar, úsh qalada – Qostanai, Qaraǵandy jáne Aqtóbede aýanyń lastaný deńgeii joǵarylaidy dep kútiledi.
