Politsiia qyzmetkerleri «Buqar jyraý» turǵyn úi kesheninen oq jaýdyrǵan er adamǵa qatysty jańa derekterdi jariialady, dep habarlady "Ult aqparat" Polisia.kz saityna silteme jasap.
«Tergeý barysynda kúdikti, Resei Federatsiiasynyń azamaty qoldanǵan qarýdyń kimge tiesili ekeni anyqtalady. Qazirgi ýaqytta oqiǵa ornynda politsiia departamentiniń jedel-tergeý toby jumys isteýde», - dep habarlady politsiiadan.
24 sáýirde Almatydaǵy "Buhar Jyraý Taýers" turǵyn úi kesheninde ańshy myltyǵymen qarýlanǵan 56 jastaǵy azamat keshen kúzetshisimen eregisip qalyp, oǵan oq atqan. Artynan biik úidiń 17-qabatyndaǵy páterge tyǵylyp, sol jerde 30-ǵa jýyq oq atqan. Politsiia onymen birneshe saǵat kelissóz júrgizgen, biraq er azamat kelisimge kelmegen, eshqandai talap ta aitpaǵan. Keiin páterdiń terezesine sekirip ketip, qaza tapty.
Politsiianyń málimdeýinshe, kúdiktini ustaý operatsiiasynda atys qarýy qoldanylmaǵan.
