Almatyda QR Ulttyq ulanynyń áskeri bóliminiń jaýyngeri áskerden qashyp ketti, dep habarlaidy "Ult aqparat".
QR Ulttyq ulanynyń baspasóz qyzmetiniń málimetinshe, sarbaz 6655 áskeri bóliminiń áskeri qyzmetshileriniń ruqsatysyz ketip qalǵan.
«9 tamyz kúni keshki saǵat 21.30 shamasynda 6654 áskeri bóliminen (Qarakemer) jaýynger Erdýlet Sabyrjanuly ruqsatsyz shyǵyp ketken. Aita keteiik, qatardaǵy jaýynger 6655 áskeri bóliminen (Aqtóbe) oqýǵa kelgen. Ol 11 tamyz kúni túngi saǵat 02.35 -te «Altyn Orda» (Almaty) bazarynyń mańynda ustaldy», - dep habarlady QR Ulttyq ulanynyń baspasóz qyzmeti.
Habarlamada atap ótilgendei, sarbazdyń óz betinshe áskeri bólimnen ketip qalýy áskeri qyzmetpen bailanysty emes.
Qazirgi ýaqytta oqiǵanyń mán-jaiy anyqtalýda. Qyzmettik tergeý júrip jatyr.
