Almatyda QR Ulttyq kitaphanasynda jazýshy, ádebiet synshysy, dramatýrg, Qazaqstan Respýblikasy Memlekettik syilyǵynyń laýreaty Asqar Súleimenovtiń 80 jyldyq mereitoiyna orai «Parasat Padishasy» atty eske alý keshi ótti.
Is-sharany QR Ulttyq kitaphanasy direktorynyń kitaphanalyq jumystary jónindegi orynbasary Baqytjamal Ospanova ashty. Kesh aiasynda QR Ulttyq kitaphanasy qorynan Asqar Súleimenovtiń ómiri men shyǵarmashylyǵynan «Parasat Padishasy» atty kitap kórmesi uiymdastyryldy. Sharany jazýshy, pýblitsist, ǵalym - Beibit Qoishybaev júrgizdi.
Is-sharaǵa Murat Áýezov, Ómirzaq Aitbaev, Smaǵul Elýbai, Temirhan Tebegenov, Núketai Myshbaeva, Qanat Tórebai, Mámbet Qoigeldi, Áliia Bópejanova, Doshan Joljaqsynov, Qarakóz Súleimenova, Satybaldy Narymbetov jáne t.b. aqyn-jazýshylar, qoǵam jáne mádeniet qairatkerleri qatysyp, sóz sóiledi.
«Asqar Súleimenov ulttyq rýhani jańǵyrýǵa, oidyń, ónerdiń túleýine úlken úles qosqan sanatker tulǵa. Óz kezeńiniń rýhani kóshbastarlarynyń biri bolǵan ol qai jerde qyzmet etsin meili, qashanda ulttyq múddeni tý etti» dep atap ótti eske alý keshiniń qatysýshylary. «Qazaqfilm» kinostýdiiasynda onyń stsenariiimen «Adamdar men arǵymaqtar», «Qulager» filmderi túsirildi, ol «Qyz Jibek» filminiń redaktory retinde kóp jumys tyndyrdy, M.Áýezov teatrynyń ádebiet bóliminiń meńgerýshisi bolyp qyzmet etken jyldary ulttyq klassikanyń jańasha interpretatsiialanýyna úles qosty.
Esterińizge salsaq, biyl kórnekti jazýshy-dramatýrg, QR Memlekettik syilyǵynyń laýreaty Asqar Súleimenovtiń týǵanyna 80 jyl tolýyna orai is-sharalar ótýde. 2018 jyldyń 23-jeltoqsan kúni Muhtar Áýezov atyndaǵy Qazaq Memlekettik akademiialyq drama teatrynda kórnekti «A.Súleimenov jáne teatr» kórmesiniń ashylýy ótip, jazýshynyń «Adasqaq» tsikli boiynsha sahnalanǵan «Birjannyń sońǵy áni» spektakli qoiylady. 2018 jyldyń 24-jeltoqsan kúni Abai atyndaǵy Qazaq memlekettik akademiialyq opera jáne balet teatrynda mádeniet jáne óner qairatkerleriniń qatysýymen saltanatty kesh ótedi.
Asqar Súleimenov ulttyq rýhani jańǵyrýǵa, oidyń, ónerdiń túleýine úlken úles qosqan sanatker tulǵa. Óz kezeńiniń rýhani kóshbastarlarynyń biri bolǵan ol qai jerde qyzmet etsin meili, qashanda ulttyq múddeni tý etti. «Qazaqfilm» kinostýdiiasynda onyń stsenariiimen «Adamdar men arǵymaqtar», «Qulager» filmderi túsirildi, ol «Qyz Jibek» filminiń redaktory retinde kóp jumys tyndyrdy, M.Áýezov teatrynyń ádebiet bóliminiń meńgerýshisi bolyp qyzmet etken jyldary ulttyq klassikanyń jańasha interpretatsiialanýyna úles qosty.
Ulanǵaiyr bilim iesi, halyq ádebieti men salt-dástúrdiń, mýzyka men jyr áleminiń, teatr men kino, beineleý óneriniń bilgiri, sóz zergeri A.Súleimenov el esinde. Onyń esimi Túrkistan oblysynyń Sozaq aýdanyndaǵy ózi oqyǵan jáne Saryaǵash qalasyndaǵy mektepterge, al, 80 jyldyq mereitoiyna orai Túrkistan qalasyndaǵy bir kóshege berildi.
Aita ketsek, Asqar Súleimenov 1938 jyly 29 jeltoqsanda Ońtústik Qazaqstan oblysy Túrkistan aýdanynyń, Shornaq eldi mekeninde dúniege kelgen. 1959 jyly QazPI-diń ádebiet-tarih fakýltetin (qazirgi Abai atyndaǵy Qazaq Ulttyq pedagogikalyq ýniversiteti) bitirgen. 1961 jyly «Jol basy» alǵashqy syn maqalasy «Leninshil jas» (qazirgi «Jas alash») gazetinde jariialanǵan. Ol «Besin» (1970), «Adasqaq» (1988), «Besatar» (1996), «Kek» (2001), «Bolmyspen betpe-bet» (2001), shyǵarmalarynyń avtory jáne «Arǵymaqtar men adamdar» derekti filminiń (1977), «As» («Qulager») kórkem filminiń (1976), «Baianel» («Qozy Kórpesh-Baian sulý») filminiń stsenariiin jazǵan.
