Almatyda «Ashyq» kóshbasshysy zańsyz ákimshilik jaýapqa tartyldy, dep habarlaidy QazAqparat.
Almaty qalalyq prokýratýranyń málimetinshe, Bostandyq aýdanynyń Sanitarlyq-epidemiologiialyq baqylaý basqarmasy «Kim Chi» kafesiniń iesin karantindik shekteýler jaǵdaiynda jumys rejimin buzǵany úshin negizsiz ákimshilik jaýapqa tartty (QR ÁQBtK-niń 425-babynyń 1-bóligi boiynsha).
Monitoring toby mekeme saǵat 20:00-den keiin jumys istegenin anyqtady, osyǵan bailanysty kásipkerge 670 910 teńge nemese 230 AEK mólsherinde aiyppul salyndy.
«Almaty qalasynyń prokýratýrasy ákimshilik isti teksergen kezde kafeniń «Ashyq» kóshbasshysy mártebesin alǵanyn jáne onyń jumys rejimi saǵat 22:00-ge deiin uzartylǵanyn anyqtady»,-dep habarlady vedomstvadan.
Prokýrorlyq qadaǵalaý aktisi boiynsha ákimshilik jaýapqa tartý týraly qaýlynyń kúshi joiyldy, kásipker zańsyz salynǵan aiyppul tóleýden bosatyldy.
