Almatyda Ashyq jobasynyń arqasynda «qyzyl» mártebesi bar 5500-den astam turǵyn anyqtaldy. Mundai derekti qalalyq kásipkerler palatasynyń direktory Aitýar Qoshmambetov onlain brifing barysynda keltirdi, dep habarlaidy QazAqparat.
Almaty qalasy kásipkerler palatasynyń direktory bul joba sanitarlyq-epidemiologiialyq qaýipsizdik máselelerinde óziniń tiimdiligin kórsetetinin atap ótti. Almaty qalasy sanitarlyq-epidemiologiialyq baqylaý departamentiniń málimetteri boiynsha 2021 jyldyń 9 sáýirinen 17 tamyzyna deiin skanerleý nátijesinde 5515 turǵynnyń «qyzyl», «sary» - 735 mártebesi rastaldy.
«Jalpy alǵanda, Ashyq jobasyna qatysýshylardy keńinen qamtýdyń arqasynda ózin-ózi oqshaýlaý rejimin buzýshylardy anyqtaý kórsetkishi 15 esege ósti. Kún saiyn respýblika boiynsha «qyzyl» mártebesi bar 2000-nan astam kelýshi anyqtalady», – dedi Aitýar Qoshmambetov.
Aita keteiik, «qyzyl» mártebe júrip-turýdyń shektelgenin, úi jaǵdaiynda oqshaýlaý rejimin qatań saqtaý qajettigin bildiredi. Mundai mártebesi barlar ambýlatoriialyq baqylaýda bolady. Osy mártebesi bar adam anyqtalǵan jaǵdaida tiisti baqylaý organdary ákimshilik jaýapqa tartyp, aiyppul salýǵa quqyǵy bar.
«Shekteý jáne karantindik sharalardy buzǵan jobaǵa qatysýshylarǵa ákimshilik shara qoldanylyp jatyr. Almaty qalasynda «qyzyl» mártebesi bar 870 adamǵa jeke oqshaýlaý rejimin buzǵany úshin 30 AEK mólsherinde aiyppul salyndy», – dedi spiker.
