Almatyda 25 mamyrdan bastap saýda úileri, oiyn-saýyq ortalyqtary, dámhanalar men basqa da nysandar ashyldy. QazAqparat tilshisi koronavirýs infektsiiasyna bailanysty 2 aidan asa ýaqyt jabyq turǵan saýda oryndaryn aralap kórdi.
«Mega» saýda, oiyn-saýyq ortalyǵynda dezinfektsiialyq tonnel ornatylǵan. Kelýshilerdiń barlyǵynyń dene qyzýy tekserilip jatyr. Sanitaizerler men antiseptikter ornatylǵan. Saýda ortalyǵy aimaǵynda arnaiy mamandar zararsyzdandyrý sharalaryn júrgizýde. Aiaq attaǵan saiyn 2 metr qashyqtyqty saqtaý týraly eskertpeler ilingen. Satýshylar men qyzmetkerler, kelýshiler maska taǵyp júr.
«Grand park» saýda, oiyn-saýyq ortalyǵyna kireberiste kezek paida bolǵan. Adamdar munda kirý úshin tańǵy 8-den kelgen. Esik aýzynda dene qyzýy ólshenedi. Kúzetshiler adamdardy bir jerge shoǵyrlanbaýdy ótinip jatyr.
Keibir býtikter ashylmai jatyp, ishi adamǵa toly.
Qala ákimdigi 25 mamyrdan bastap saýda ortalyqtary men saýda, oiyn-saýyq keshenderi territoriiasynda ornalasqan azyq-túliktik emes saýda núkteleri, himiialyq tazalaý ortalyqtary, meiramhanalar, sulýlyq salondary ashylatynyn habarlaǵan bolatyn.
Saýda, oiyn-saýyq ortalyqtary keshki 22:00 deiin ashyq bolady. Osy ortalyqtarda ornalasqan tamaqtaný oryndarykelesi – ekinshi kezeń aiasynda ashylmaq. Al SPA salondar, fitnes-klýbtar, oiyn-saýyq nysandary – úshinshi kezeńde ashylady.
Munyń aldynda qalanyń bas sanitarlyq dárigeri Jandarbek Bekshin iri nysandarǵa dezinfektsiialyq tonnel, statsionarlyq teplovizor ornatýǵa keńes bergen bolatyn.
Sonymen qatar, qalada qoǵamdyq tamaqtaný oryndary, meiramhanalar, dámhanalar ashyla bastady. Alaida, bul jerlerde banket, toi ótkizýge tyiym salynǵan.
Qalalyq politsiia turǵyndardyń karantin talaptaryn oryndamai ketkenin eskertti.
Osy maqsatta túsindirý jumystary artyp, blokpostardaǵy politsiia baqylaýy kúsheitildi.
