الماتىدا 25 مامىردان باستاپ ساۋدا ٷيلەرٸ, ويىن-ساۋىق ورتالىقتارى, دەمحانالار مەن باسقا دا نىساندار اشىلدى. قازاقپارات تٸلشٸسٸ كوروناۆيرۋس ينفەكتسيياسىنا بايلانىستى 2 ايدان اسا ۋاقىت جابىق تۇرعان ساۋدا ورىندارىن ارالاپ كٶردٸ.
«Mega» ساۋدا, ويىن-ساۋىق ورتالىعىندا دەزينفەكتسييالىق توننەل ورناتىلعان. كەلۋشٸلەردٸڭ بارلىعىنىڭ دەنە قىزۋى تەكسەرٸلٸپ جاتىر. سانيتايزەرلەر مەن انتيسەپتيكتەر ورناتىلعان. ساۋدا ورتالىعى ايماعىندا ارنايى ماماندار زارارسىزداندىرۋ شارالارىن جٷرگٸزۋدە. اياق اتتاعان سايىن 2 مەتر قاشىقتىقتى ساقتاۋ تۋرالى ەسكەرتپەلەر ٸلٸنگەن. ساتۋشىلار مەن قىزمەتكەرلەر, كەلۋشٸلەر ماسكا تاعىپ جٷر.
«Grand park» ساۋدا, ويىن-ساۋىق ورتالىعىنا كٸرەبەرٸستە كەزەك پايدا بولعان. ادامدار مۇندا كٸرۋ ٷشٸن تاڭعى 8-دەن كەلگەن. ەسٸك اۋزىندا دەنە قىزۋى ٶلشەنەدٸ. كٷزەتشٸلەر ادامداردى بٸر جەرگە شوعىرلانباۋدى ٶتٸنٸپ جاتىر.
كەيبٸر بۋتيكتەر اشىلماي جاتىپ, ٸشٸ ادامعا تولى.
قالا ەكٸمدٸگٸ 25 مامىردان باستاپ ساۋدا ورتالىقتارى مەن ساۋدا, ويىن-ساۋىق كەشەندەرٸ تەرريتوريياسىندا ورنالاسقان ازىق-تٷلٸكتٸك ەمەس ساۋدا نٷكتەلەرٸ, حيمييالىق تازالاۋ ورتالىقتارى, مەيرامحانالار, سۇلۋلىق سالوندارى اشىلاتىنىن حابارلاعان بولاتىن.
ساۋدا, ويىن-ساۋىق ورتالىقتارى كەشكٸ 22:00 دەيٸن اشىق بولادى. وسى ورتالىقتاردا ورنالاسقان تاماقتانۋ ورىندارىكەلەسٸ – ەكٸنشٸ كەزەڭ اياسىندا اشىلماق. ال سپا سالوندار, فيتنەس-كلۋبتار, ويىن-ساۋىق نىساندارى – ٷشٸنشٸ كەزەڭدە اشىلادى.
مۇنىڭ الدىندا قالانىڭ باس سانيتارلىق دەرٸگەرٸ جانداربەك بەكشين ٸرٸ نىساندارعا دەزينفەكتسييالىق توننەل, ستاتسيونارلىق تەپلوۆيزور ورناتۋعا كەڭەس بەرگەن بولاتىن.
سونىمەن قاتار, قالادا قوعامدىق تاماقتانۋ ورىندارى, مەيرامحانالار, دەمحانالار اشىلا باستادى. الايدا, بۇل جەرلەردە بانكەت, توي ٶتكٸزۋگە تىيىم سالىنعان.
قالالىق پوليتسييا تۇرعىنداردىڭ كارانتين تالاپتارىن ورىنداماي كەتكەنٸن ەسكەرتتٸ.
وسى ماقساتتا تٷسٸندٸرۋ جۇمىستارى ارتىپ, بلوكپوستارداعى پوليتسييا باقىلاۋى كٷشەيتٸلدٸ.
