Almaty qalasynyń bas memlekettik sanitariialyq dárigeri Qarlyǵash Ábdijabbarova jańa qaýlyǵa qol qoidy, - dep habarlaidy "Ult aqparat".
Qujatqa sáikes, Ashyq jobasyna qatysatyn nysandar úshin jumys jáne demalys kúnderi jumys ýaqyty belgilenbeidi.
Qaýlynyń jeke tarmaǵynda oqý shtattyq formatta ótýine ruqsat berilgen:
- mektepke deiingi uiymdarda;
- jalpy bilim beretin mektepterde qosa alǵanda 600 oqýshyǵa deiin;
- bastaýysh 1-4 synyptar (halyqaralyq synyptardaǵy 5-6 synyptar);
- sany 600-den asa oqýshysy bar mektepterde - mektepterdiń jobalyq qýatynyń 50 paiyzynan aspaityn júktemesi bar mektepterde;
- mektepten tys uiymdarda;
- kolledjder men joǵary oqý oryndarynda aralas formatta: praktikalyq, zerthanalyq, seminarlyq sabaqtar, óndiristik praktika - keste boiynsha shtattyq rejimde, dárister - onlain.
- bilim berý uiymy ákimshiliginiń qalaýy boiynsha vaktsinanyń tolyq kýrsyn alǵan oqýshylardy shtattyq formatta oqytýǵa ruqsat beriledi.
Koronavirýspen aýyratyn naýqastarmen bailanysta bolǵan adamdarǵa qatysty kelesi erejeler belgilenedi:
- eger ekinshi komponentti alǵannan keiin alty aidan aspasa, revaktsinatsiiany nemese COVID-19-ǵa qarsy vaktsinanyń tolyq kýrsyn alǵany qujat túrinde rastalsa, úi karantinine oqshaýlanbaidy;
- 7-shi kúni COVID-19-ǵa PTR arqyly tekseriledi, PTR teris nátije kórsetse, úi karantini aiaqtalady.
Almaty qalasynyń bas memlekettik sanitariialyq dárigeriniń jańa qaýlysynyń tolyq mátinin osy jerden oqi alasyzdar.
