Almatyda Naýryzbai aýdanynda 60-tan asa adamnyń basyn qosyp as bergen dámhana jumysyna shekteý qoidy. Bul týraly onlain brifing barysynda qalanyń bas sanitariialyq dárigeri Jandarbek Bekshin aitty, dep habarlaidy "Ult aqparat".
Onyń aitýynsha, Naýryzbai aýdanynda júrgizilgen tekserý kezinde «Almaty», «Panorama» dámhanalarynda epidemiologiialyq talaptar saqtalmaǵany anyqtaldy.
«Bul dámhanada maskasyz, eshbir epidemiologiialyq talaptardy saqtamai 60-tan asa adamnyń basy qosylyp, as berilgen. Monitoring toptary osyndai zańbuzýshylyqty toqtatty. Túsindirý jumystarynan soń jinalǵan adamdar úilerine tarady. Kórip otyrsyzdar, analiz boiynsha as bergen kezde koronavirýs juqtyrý jaǵdaiy tirkeldi. Qaraǵandy oblysynda bolǵan asta bolǵan 50 adamnan 23 adamǵa virýs juqqanyn bilesizder», - dedi Jandarbek Bekshin.
Qazir Departament dámhana jumysyna shekteý qoidy.
