Almaty politsiiasy qylmystyq toptyń múshelerin ustaý boiynsha arnaiy operatsiia júrgizdi, - dep habarlaidy kaz.tengrinews.kz tilshisi.
Arnaiy operatsiia Jandosov pen Altynsarin kósheleriniń qiylysynda boldy.
"Meniń úiimniń janynda úsh er adam jatyr, kisen salynǵan, politsiia, keptelis", - dep jazdy Instagram jelisinde jýrnalist Marina Mihtaeva
Óz kezeginde, Almaty politsiiasynyń ókilderi qylmystyq toptyń úsh múshesin ustaý boiynsha arnaiy operatsiia júrgizilgenin rastady.
"Kriminaldyq politsiia basqarmasy qylmystyq toptyń jolyn kesý boiynsha arnaiy operatsiia júrgizdi. Olar - Almaty oblysynyń turǵyndary, páter men kólikterdi tonap júrgen. Taǵy bir nusqa boiynsha, olar kólikterdi tehnikalyq quraldarmen skandaý arqyly ashyp, tonaǵan. Olar kólikpen ketip bara jatqanda aldyna tosqaýyl qoiylyp, ustaldy", - dedi Almaty IID resmi ókili Saltanat Ázirbek.
