Almaty politsiiasy Armeniiadan ákelingen kólik quraldaryn tirkeýge arnalǵan suraqtar boiynsha Call Center qurdy, dep habarlaidy "Ult aqparat".
Almaty qalalyq politsiia departamentinde tirkelý sharttary týraly barlyq qajetti aqparatty alýǵa arnalǵan Call-ortalyǵy jumys isteidi: 8-747-080-01-56; 298-50-71. «Shuǵyl jeli» jumys kestesi: 9.00-den 19.00-ge deiin.
«Birinshiden, Úkimet 2020 jyldyń 1 aqpanyna deiin Armeniiadan ákelgen avtokólikterdi tirkeý týraly sheshim qabyldady. Ekinshiden, tirkeý 1 maýsym men 1 qyrkúiegi aralyǵynda júrgiziledi. Úshinshiden, tirkeýge sol jaqtaǵy basqarý elementteri bar avtokólikter jatady. Tórtinshiden, úsh tólemmen shekteý týraly sheshim qabyldandy: tirkeý jarnasy - 695 teńge, tirkeý kýáligi úshin tólem - 3 473 teńge jáne memlekettik tirkeý nómiri úshin - 7 778 teńge. Tólemderdiń jalpy somasy 11 946 teńgeni quraidy», - dep túsindirdi Almaty qalalyq PD bastyǵynyń birinshi orynbasary Nurlan Almasbekov.
Sonymen qatar, spiker kólik quraldaryn tirkeý úshin kelesi qujattardy usyný qajet ekendigin aityp ótti: jeke basyn kýálandyratyn qujat; memlekettik tirkeý alymynyń tólengeni týraly qujattar; Armeniia Respýblikasynyń ýákiletti organy shyǵarǵan kólik quraldaryna arnalǵan SRTS jáne MTNB; avtokólik quraldaryn tirkeýge usynylǵan, memlekettik nemese orys tilderinen basqa tilde jasalǵan qujattar memlekettik nemese orys tilderine aýdarylǵan jáne aýdarmanyń dáldigi týraly notariýstyń nemese osyndai áreketterdi jasaýǵa ýákilettik berilgen basqa adamnyń qoltańbasy bolýy kerek.
Eske salaiyq, Memleket basshysy Qasym-Jomart Toqaev 2020 jylǵy 24 qańtarda Úkimettiń keńeitilgen otyrysynda elimizde ýaqtyly tirkelmegen, EAEO ákelinetin avtomobilderge qatysty problema týyndaǵanyn atap ótken edi. Bul máseleni sheshý úshin Prezident Úkimetke Qazaqstan azamattarynyń EAEO elderinen 2020 jyldyń 1 aqpanyna deiin ákelgen kólikterin tirketýdi tapsyrdy.
