Almatyda apatty mektepterdi joiý jáne úsh aýysymdy oqýdan arylý úshin jańa nysandardyń qurylysy júrgizilip jatyr. Bul týraly qalalyq Bilim basqarmasynyń basshysy Lázzat Jylqybaeva málim etti, dep habarlaidy QazAqparat.
Málim etilgendei, «Shetsiz qala» qaǵidatyn eskere otyryp, Almatyda sapaly jáne qoljetimdi bilim berý qyzmetterin usyný boiynsha keshendi jumys júrgizilýde. Orta bilim berý salasynda apatty mektepterdi joiý jáne úsh aýysymdy oqýdan arylý máselesi erekshe baqylaýǵa alyndy.
Mysaly, Túrksib aýdanyndaǵy №59 mektep-gimnaziia (1939 jyly salynǵan) apattyq jaǵdaida dep tanylǵan. Qazirgi ýaqytta qoldanystaǵy ǵimaratty qaita salý boiynsha jobalyq-smetalyq qujattar ázirlenip jatyr. Al qurylys-montajdaý jumystary 2021 jyly bastalady.
Sondai-aq Alataý aýdanyndaǵy №196 jalpy bilim beretin mektepte oqýshylar sany artqany atap ótildi.
«Qazir qashyqtan oqý kezinde bul másele aitarlyqtai ózekti bolyp turǵan joq. Alaida mekteptiń jumysy shtattyq rejimde qaita bastalǵanda úsh aýysymda oqý jalǵasady. Sondyqtan «Jumyspen qamtýdyń jol kartasy» aiasynda osy mekteptiń ornyna 2021 jyly 1500 oryndyq jańa mektep salynady», - dep habarlady ol.
Sonymen qatar, aýdandar bólinisinde júrgizilgen taldaý keibir jaǵdailarda oryn tapshylyǵy jasandy túrde týyndap otyrǵanyn kórsetti. Basqarmanyń málimetinshe, ata-analar balalaryn gimnaziiaǵa berýdi jón kóretini jáne jalpy bilim beretin mektepterde oryn profitsiti paida bolý mysaldar bar. Osyǵan bailanysty aýdan basshylarynyń jumysyn kúsheitý boiynsha tiisti tapsyrmalar berildi.
