Kórneki foto: Evgeniia Kochetkova, tolknews.ru
Almaly aýdanynyń turǵyndarymen kezdesý kezinde Almaty ákimi Erbolat Dosaev «Áliia, Mánshúk» alańyndaǵy skverdi jóndeýge qatysty qala turǵynynyń suraǵyna jaýap berdi, dep habarlaidy Kaiznform agenttigi.
Qala turǵyny «Áliia men Mánshúk» alańyndaǵy skverdi qaita jóndeý jumystary júrgizilýin kútip júrgenin aitty.
«Meni saiabaqtyń joǵarǵy bóliginde Panfilov kóshesine jaqta «Aqqý» dámhanasyn qalpyna keltirý jumystary josparlanǵan jeke ýchaskeniń máselesi de qyzyqtyrady. Bul jumys qalai júrgiziledi, onda Qyzyl kitapqa engen 100 jyldyq emen bar. Munyń bárin baqylaý kerek. Sirek kezdesetin aǵashtardy saqtaý kerek, sondai-aq shyrshalardy durystap qaita otyrǵyzý kerek», - dedi qala turǵyny.
Erbolat Dosaev ótken jyly skverdi jóndeýge qarjyny bólingenin, alaida, merdiger «Shah» qurylys kompaniiasy osy joba men kelesi jyly abattandyrý men kógaldandyrýǵa qatysty taǵy eki joba boiynsha senimdi aqtamaǵanyn aitty.
«Biz sotta jeńdik. Aqpan aiynda ekologiia basqarmasy jańa baiqaý ótkizedi. Biyl jumysty bitiremiz dep úmittenemiz. Ókinishke qarai 2023 jyly jóndeýge bólingen qarjyny 2024 jylǵa aýystyrýǵa májbúr boldyq. Buryn maquldanǵan jáne kelisilgen joba sol kúiinde qalady. «Aqqý» dámhanasyna kelsek, ol tarihi kelbetin saqtaidy. Biz sýburqaqty, sonymen birge aǵash otyrǵyzýdy saqtadyq. 2023 jyldyń sońynda qajetti jabdyqty satyp aldyq. Almaly aýdanynyń Jasyl komissiiasymen birge ári qarai ne isteý kerektigin oilastyraiyq. Jobanyń skvermen ózara úndesýin qamtamasyz etemiz», - dedi Almaty ákimi Erbolat Dosaev.
