Almatyda «Aliment tóle» jáne «Boryshker» aktsiialary ótip jatyr, dep habarlaidy "Ult aqparat" Almaty qalasynyń prokýratýrasyna silteme jasap.
Jetisý aýdanynyń prokýratýrasy jol politsiiasy qyzmetkerlerimen jáne Almaty qalasynyń jeke sot oryndaýshylarymen birlesip «Aliment tóle» jáne «Boryshker» aktsiialaryn ótkizýde.
«Aktsiia boryshkerlerdiń avtokóligin anyqtaý arqyly aliment bereshegin azaitýǵa baǵyttalǵan. Tájiribe kórsetkendei, avtokólikt alǵannan keiin boryshkerler barlyq qaryzyn birden tóleidi» delingen prokýratýra habarlamasynda.
Shara barysynda boryshkerlerdiń 16 avtokóligi ustalyp, 2 mln teńgeden astam qaryz tólendi, onyń ishinde osy jyldyń 14 qarashasynda reid júrgizý barysynda aliment tóleýshiler 1 mln teńgege jýyq aqsha tólegen.
Sonymen qatar, aliment tóleýden jaltarǵan bir azamat jaýapkershilikke tartyldy.
«Osy jyldyń qarasha aiynda aliment tólemegeni úshin sot úkimimen azamat B. QR QK 139-baby boiynsha bir jylǵa bas bostandyǵyn shekteý jazasy taǵaiyndaldy»,-dep habarlaidy Almaty qalalyq prokýratýrasy.
