Foto: Gov.kz
Almatyda túni boiy jaýǵan alǵashqy qar jol qozǵalysyna edáýir qiyndyq týǵyzdy. Qalalyq politsiia departamentiniń málimetinshe, 18:00 men 06:00 aralyǵynda 17 jol-kólik oqiǵasy tirkelip, alty adam túrli jaraqat alǵan, dep habarlaidy Ult.kz.
Politsiia ókilderi kólik júrgizýshilerin aýa raiynyń kúrt ózgerisine bailanysty saq bolýǵa shaqyrdy. Qar men muzdyń áserinen jol taiǵaq bolyp, kóliktiń toqtaý qashyqtyǵy arta túsetini eskertildi.
Qoǵamdyq qaýipsizdik basqarmasy bastyǵynyń orynbasary Timýr Noǵaibaev jaǵdaiǵa bailanysty túsinikteme berdi.
«Qar túsken kezde jol beti taiǵaq bolyp, kólikterdiń tejelý joly uzarady. Biraq soǵan qaramastan, kei júrgizýshiler aýa raiy men jol jaǵdaiyn eskermei, burynǵy jyldamdyqpen júre beredi. Bul – apattyń basty sebebi», – dedi ol.
